Суат Коджер
Суат Коджер 1980 жылы Эрзурум қаласында дүниеге келген. 2002 жылдан бастап кино фильмдерге шолулар, кино саласына қатысты зерттеулер мен шолу мақалалар жазады. Оның атақты киногерлермен сұхбаттары түрлі республикалық газеттер мен киножурналдарда жарық көрді. 2010 жылы «Film Arası» («Киноға үзіліс») киножурналының негізін қалады. Түрлі мемлекеттік органдар мен ұйымдарда кино саласы бойынша кеңесші қызметін атқарған. Түрлі кинофестивальдерде кеңесші және қазылар алқасының мүшесі ретінде жұмыс істеген. Сонымен қатар Суат Коджер кино мансабын түрлі жобаларда сценарист және продюсер ретінде жалғастыруда. Өзі үйлестіретін кинофестивальдерде жас таланттарға жол ашып, мүмкіншіліктер береді. 5 кітаптың авторы: екі әңгімелер жинағы, кино туралы бір кітап және екі роман.
Болат Қалымбетов
Режиссер, актер.
КСРО Кинематографистер Одағының мүшесі. Қазақстан Кинематографистер Одағының мүшесі. Өнертану ғылымдарының доценті. Халықаралық кинофестивальдердің лауреаты әрі иегері. ҚР еңбек сіңірген әртісі, «Құрмет» және «Парасат» орденінің иегері.
Жанна Куанышева
Актриса
Жанна Қуанышева – актриса, Қазақ КСР-нің еңбек сіңірген артисі, Қазақстан киногерлер одағының мүшесі. 1983 жылы С.М.Киров атындағы Қазақ мемлекеттік университетінің филология факультетін тәмамдаған. Киноға ең алғаш 1972 жылы түскен, ол С.Райбаевтың «Жауын» фильмі еді. Кейін жас актриса Б.Мансұровтың «Махаббат дастаны» фильмінде басты рөлді сомдап, көрермен арасында таныла бастады. Көп ұзамай актриса Ш.Бейсембаевтың «Гауһартас» фильмінде басты рөлді сомдап, халықтың қошеметіне бөленеді. Бүгінде Жанна Қуанышева көптеген фильмдерге түсіп, мәдени іс-шараларға белсенді қатысып жүр.
Таалайбек Кулмендеев
Режиссёр, продюсер
Қырғызстан кинематографистер одағының төрағасы. 1967 жылы Қырғызстанның Ыстықкөл облысында дүниеге келген. 2002-2004 жылдары Rosebud жаңа еуропалық кино және телевизия академиясында (Рома, Италия) оқыған. Шыңғыс Айтматов атындағы Кино үйінің директоры болды. Т.Океев атындағы «Қырғызфильм» ұлттық киностудиясының басшысы болды. Таалайбек Кулмендеев «Ак Илбирс» Орталық Азия киноөнер академиясының президенті, Қырғызстанның «Оскар» комитетінің үйлестірушісі және «Ақ Илбирс» ұлттық кинопремиясының құрушыларының бірі.
Эльчин Мусаоглу
Режиссер, продюсер, сценарист
Әзірбайжан театр және кино режиссері, продюсер, сценарий авторы, Әзірбайжанның еңбек сіңірген әртісі (2016), Әзірбайжан кинематографистер одағының мүшесі, Еуропа киноакадемиясының мүшесі, Түркия деректі киногерлер одағының мүшесі, сондай-ақ Әзірбайжандағы деректі фильмдер мен авторлық киноның дамуына қолдау көрсету қоғамының негізін қалаушы.
Азиз Жамбакиев
ҚОЮШЫ-ОПЕРАТОР
1987 жылы 10-шы шілдеде Қазақстанда дүниеге келген. 2011 жылы Темірбек Жүргенов атындағы Қазақ ұлттық өнер академиясының «Кино және телевизия» факультетін бітірген. Аса көрнекті жетістіктері үшін 2013 жылы Берлин кинофестивалінде «Күміс аю» жүлдесінің иегері атанған («Үйлесім сабақтары»). 2014 жылдан бері Азия киноакадемиясының (AFA) мүшесі.
Сириэль Нифль
Бағдарлама куратор
Сириэль Нифль – Францияның Леон мен Марсель қалаларында орналасқан CinéFabrique мемлекеттік кино мектебінің халықаралық және цифрлық даму менеджері. 2018 жылдан бері Сириэль Нифль Мьянмада кино мектебін құрып, Сенегалда, Орталық Африка Республикасында, Палестинада және Сингапурда кинематографияны дамытуға атсалысып жатыр. CinéFabrique-ге келмес бұрын Сириэль Нифль Бейжіңде (Қытайда) жұмыс істеген, онда ол кинофестивальдар мен басқа да кино шараларын ұйымдастырды.
Рено Пешер
Сириэль Нифль – Францияның Леон мен Марсель қалаларында орналасқан CinéFabrique мемлекеттік кино мектебінің халықаралық және цифрлық даму менеджері. 2018 жылдан бері Сириэль Нифль Мьянмада кино мектебін құрып, Сенегалда, Орталық Африка Республикасында, Палестинада және Сингапурда кинематографияны дамытуға атсалысып жатыр. CinéFabrique-ге келмес бұрын Сириэль Нифль Бейжіңде (Қытайда) жұмыс істеген, онда ол кинофестивальдар мен басқа да кино шараларын ұйымдастырды.
Мурад Ибрагимбеков
Режиссер, сценарий авторы, актер
1965 жылы Бакуде дүниеге келген. 1989 жылы Бүкілресейлік мемлекеттік кинематография институтын (ВГИК) бітірген. 1983-1985 жылдары әскерде қызмет еткен. Венеция кинофестивалінің «Күміс арыстан» марапаты иегері 2003. Питер Гринуэя мен Лариса Садилова режиссерлардың фильмдерінlе ойнаған. NIPCOW PROGRAM-ның стипендиаты Германия. «Антропологтың жолға шығуы» атты әңгімелер жинағы мен «Мадагаскар. Гитлер сыйға берген ел» атты романының авторы.
Эльвира Мамытова
Продюсер
2001 жылы Бішкек гуманитарлық университетін «лингвистика – аударма теориясы мен тәжірибесі» мамандығы бойынша бітірген. 2011 жылдан бері Қырғызстан Республикасының кинематография департаментінде жұмыс істейді. 2016 жылдан бастап онда халықаралық байланыстар бөлімін басқарады. Түрлі мәдени форумдардың, кинозертханалардың және іс-шаралардың ұйымдастырушысы және кураторы, соның ішінде Венеция кинофестивалі және Канн кинофестивалінің Marche du Film аясындаға іс-шаралардың да. Дальмира Тілепбергеннің «Белек» толық метражды көркем фильмінің продюсері.
Әсия Байғожина
Режиссер
Қазақ мемлекеттік университетін (Алматы қ.), сценарий авторалары мен режиссерлердің жоғары курсын (Мәскеу қ.) бітірген. Журналист. Сценарий авторы. Деректі фильм режиссері. Еңбек жолын «Қазақфильм» киностудиясында хроникалық деректі және ғылыми-көпшілік фильмдер қауымдастығының бас редакторы болып бастаған. «Parallel» жастар студиясының көркемдік жетекшісі болды. 90-шы жылдардың ортасында ол тұңғыш қазақ «Тоғысқан тағдырлар» атты («Хабар» агенттігі) телехикаясының сценарий авторы және редакторы қызметін атқарды.
Сафар Хакдодов, Тәжікстан
Сценарист, режиссер, продюсер
Сафар Хакдодов 1961 жылы 5 тамызда дүниеге келген. 1986 жылдан бастап «Тәжікфильм» киностудиясында жұмыс істей бастады. 2004 жылы ол Тәжікстанда екі жыл сайын өтетін халықаралық Дидор кинофестивалінің негізін қалап, оны басқарып келеді.
2011 жылдан бері Тәжікстан Республикасың Кинематографистер одағының төрағасы. Оның дебюттік қысқаметражды «Өңімдегі түс» атты көркем фильмі (1991) Тампере халықаралық кинофестивалінде (Финляндия) Гран-при алған. Сондай-ақ оның сценарийі бойынша түсірілген «Шаңқай түс», «Мұғалім», «Жол» (реж. Н. Саидов) сияқты фильмдер көптеген халықаралық кинофестивальдерде бас жүлделерге ие болған.
Талгат Тайшанов
Кинооператор, режиссёр, педагог
ҚР Мәдениет саласының үздігі, ТМД елдері кинематографистер одағының мүшесі, Қазақстан Республикасының Ұлттық кинематографиялық өнер және ғылым академиясының толық мүшесі; Еуразиялық ТВ және радио академиясының толық мүшесі.
Хелен Герритсен, Нидерланды
Продюсер, куратор
Хелен Амстердам мен Санкт-Петербургте славян тілдерін, Шығыс Еуропа тарихы мен экономиканы оқыды. 2003 жылы Германияға көшіп, зерттеуші, деректі фильмдердің продюсері және кураторы ретінде жұмыс істей бастады. 2014 жылдан 2016 жылға дейін Германияның Нойбранденбург қаласындағы dokumentART кинофестивалінің директоры болды. 2017 жылдың қазан айынан бастап Хелен DFF – Deutsches Filminstitut & Filmmuseum (Неміс кино институты) ұйымдастырған goEast кинофестивалін басқарды. goEast фестивалі постсоциалистік кеңістіктегі киноны назарына алады. Қазіргі заманғы бағдарламалар мен байқаулардан басқа, фестивальде академиялық симпозиум, болашақ режиссерлерге арналған таланттар бағдарламасы, сондай-ақ жыл сайын бірнеше тарихи бағдарламалар өткізіледі. Хелен Еуропалық кино академиясының мүшесі және Еуропаның деректі фильмдер қауымдастығының негізін қалаушыларының бірі.
Нино Киртадзе, Грузия/Франция
Еуропа киноакадемиясының сыйлығының лауреаты, режиссер Нино Киртадзе Грузияның Тбилиси қаласында дүниеге келген. 1997 жылдан бері Францияда тұрады. Кинодебюті Францияда өткен санаулы грузиялық режиссерлердің бірі. Аз уақытта ол халықаралық бірлескен киножобаларында жұмыс істейтін Еуропаның жетекші режиссерлерінің бірі ретінде танылды. Оның фильмдері күрделі және даулы тақырыптарды қозғайды. Адам драмасына баса назар аударап, режиссер фильмдерінде ішкі қайшылықтарға толы адам болмысын суреттейді.
Киртадзенің фильмдері халықаралық деңгейде мойындалып, дүние жүзіндегі кинофестивальдерде көптеген беделді марапаттарға ие болды. Солардың ішіндегі ерекше атап кетуге турарлық:
- Санденс кинофестивалінде «Дураково: Ақымақтар ауылы» фильмі үшін берілген «Үздік режиссер» жүлдесі,
- «The Pipeline Next Door» фильмі үшін берілген Еуропа киноакадемиясының сыйлығы мен Visions du Réel фестивалініің Гран-приі,
- «Шешен бесік жыры» фильмі үшін берілген Германияның ең жоғары марапаты «Адольф Гриммнің алтын жүлдесі»
- және «Достарыма өлгенімді айт» фильмі үшін берілген Cinema du Réel фестивалінің жүлдесі.
Диана Абдуллаева
Режиссер, студентка
Темірбек Жүргенов атындағы Қазақ ұлттық өнер академиясы, Кино және ТД факультеті, «Экрандық өнер режиссурасы» кафедрасы, «Кино режиссурасы» мамандығы.
Дильназ Жиһангез
Режиссер, студентка
Жиһангез Дильназ «Тұран» киноакадемиясының режиссерлік факультетінде оқитын 3 курс студенті. Ол қысқа метражды фильмдер мен телехикаялар түсірумен айналысады. Ол «Бір қадам» оқу веб-сериалының шығармашылық продюсері, сондай-ақ эпизодтардың бірінің режиссері болды. Оның көркем фильм элементтері бар «Алина» деректі фильмі «Байқоныр» (Ұлттық байқау) және «КиноПроба» сияқты кинофестивальдерге қатысты.
Кырмызы Рустембекова
Режиссер, студентка
Қырмызы Рустембекова 2003 жылы 6 қаңтарда дүниеге келген. Халық әртістері ағайынды Абдуллиндер атындағы Шығыс Қазақстан өнер училищесін «көпшілік театрландырылған қойылымдардың режиссері» мамандығы бойынша бітірген. Ол қазір Медиа және кино мектебінің екінші курс студенті. «METHOD» тәуелсіз деректі фильмдер фестивалінің қатысушы-фильмдерін орыс тілінен қазақ тіліне аударған.
Цэнгел Даваасамбуу, Моңғолия
Продюсер
Цэнгел Даваасамбуу (PhD) – Моңғолиядан келген кинопродюсер. Моңғолия мемлекеттік мәдениет және өнер университетінің профессоры. 2016 жылдан бері NETPAC мүшесі. Пусан халықаралық кинофестивалі (Оңтүстік Корея, 2022), Пусан балалар мен жасөспірімдер кинофестивалі (Оңтүстік Корея, 2022), Ханой халықаралық кинофестивалі (Вьетнам, 2018), Пучхон халықаралық кинофестивалі (Оңтүстік Корея, 2017) сияқты кинофестивальдердің қазылар алқасының мүшесі болған.
Кеопрасит Суваннавонг, Франция
Кино сыншысы, журналист
Радио және тележурналист, баспа журналист. 1993 жылдан бастап Халықаралық Франция радиосында (RFI) қызмет істейді. 14 жыл бойы ол саяси және мәдени оқиғалар (соның ішінде кинофестивальдер) жайында мақалалар, ірі сюжеттер мен репортаждар дайындаған. Қазіргі уақытта француз тіліндегі оқырманы ең көп RFI Интернет басылымының бас редакторы. Киноны аса бағалайтын ол 1993 жылы «Жасыл папайя иісі» фильмінде басты рөлді сомдады. Ол фильм Канн кинофестивалінде «Алтын камера» сыйлығын және Жастар қазылар алқасының жүлдесін, сондай-ақ Париждегі ең үздік фильм дебюті үшін Сезар сыйлығын алған. Оған қоса «Шетел тіліндегі үздік фильм» номинациясы бойынша «Оскар» сыйлығына ұсынылды. Парижде тұрады. Түрлі кинофестивальдердің қазылар алқасының мүшесі.
Асель Шерниязова, Қырғызстан
Продюсер
Асель Шерниязова Лос-Анджелестегі Азиялық Бүкіләлемдік кинофестивалінің негізін қалаушыларының бірі және басқарушы директоры. Ол мәдени алмасуды дамытады. Орталық Азиядағы «Алтын глобус» қауымдастығының алғашқы мүшесі ретінде бұл саланың танылуына және дамуына өз үлесін қосуда. Азиялық кинематографияны қолдауға белсенді қатысқан, NETPAC мүшесі. Сондай-ақ ол Cinema Heritage кинофестивалінің консультативтік кеңесінің мүшесі ретінде өзінің тәжірибесімен бөлісіп, әлемдік аренада кинематографиялық мұраны сақтауға және атап өтуге адалдығын растайды.